Зошто начинот на заспивање влијае врз ноќните будења – и како да го промените тоа

Науката зад будењата: Фази на сон и саморегулација

Сонот не е цврста, непрекината состојба. И возрасните и децата природно минуваат низ циклуси, односно фази на спиење. Кај бебињата, еден циклус трае околу 45–60 минути. На крајот од секој циклус, (пред да се направи преод во следниот циклус на спиење), доваѓа до краткотрајно будење, односно мозокот прави кратка „проверка“:

1. Дали условите во кои се будам се исти како при заспивањето?
2. Дали сум безбеден/на?

Ако одговорот е „да“, бебето преминува во следниот циклус – без будење.
Но, ако бебето заспало со нишкање, а се буди само во креветче… мозокот препознава разлика → се активира аларм → се буди и бара повторно да му помогнете да заспие, односно ја бара повторно неговата за него позната средина и неговиот начин на успивање.

Ова е причината зошто бебињата кои не знаат да заспијат самостојно, често се будат  – дури и ако нема реална потреба (глад, болка, мокра пелена итн.).

Самостојно заспивање – што значи и зошто помага?

Самостојно заспивање значи дека детето може да заспие без ваша физичка помош – без нишкање, доење или галење.

Ова не значи дека детето не треба да добие утеха или блискост, ако тоа му е потребно. Но, кога ќе  научи како да заспие само –  без помош, без надворешен поттик – тогаш и во текот на ноќта, при природните краткотрајни будење, може повторно да се смири само и да продолжи со спиење, а тоа ќе го направи многу лесно, затоа што ќе се разбуди на местото каде што заспало (во своето креветче) и ќе може да презаспие само (затоа што така и заспало).

Исто како што возрасен кој се разбудил во текот на ноќта само се врти на другата страна и продолжува да спие, без паника.

Може ли детето самостојно да го научи ова?

Понекогаш – да.
Но, кај многу деца, особено ако подолго време биле зависни од некој надворешен начин на заспивање, потребно е постепено учење. Тоа се нарекува тренинг за самостојно заспивање, и се спроведува преку внимателно одбран метод кој одговара на:

• возраста на детето

• нивото на поддршка што сакате да го дадете

• темпераментот на детето

• вашите вредности како родители

Како изгледа тренингот за самостојно заспивање?

Во суштина, тренингот значи да му овозможиме на детето нов начин да заспива, кој ќе може да го повтори и самостојно. Постои повеќе од еден пристап – а родителите треба да го изберат оној што најмногу им одговара.

На пример, некои методи се побрзи, но со повеќе фрустрација и солзи (Ferber, check-in), додека други се побавни, но понежни (седење покрај креветче, замена на навика).
Повеќе за овие разлики опишувам тука:

Разликата помеѓу тренинг методите за спиење на бебињата

Ако ви треба стручна помош и поддршка – не сте сами

Во нашите структурирани програми за спиење, родителите добиваат:

1. Индивидуален распоред и дневен ред, креирани специјално за вашето дете.

2. Видеа со јасни чекори – ќе ве водам низ целиот процес, чекор по чекор до целта.

3. План со кој ќе го научите детето да заспива само и да ја преспива ноќта.

4. Насоки за постепено намалување или целосно одвикнување од ноќни подои или АД.

5. Решение за кратки дремки и рани будења.

6. 1 месец пристап до видео програмата.

7. Дополнителна секојднвна поддршка од мене доколку тоа ви е потребно.

Или накратко: Програма за самостојно успивање и проспани ноќи.

Погледнете ги сите програми тука: drgoodnight.mk

Начинот на кој детето заспива не е само „навика“ – тоа е основа на целиот ноќен сон.
– Ако детето не знае како да заспие само, ќе се буди и ќе бара помош при секој преод од еден во друг циклус ( а тоа се случува на секои 45 до 60 минути).
– Ако му помогнеме да научи нов, самостоен начин – му давате алатка што ќе ја користи секоја вечер, цел живот.

“Ако сте подготвени за следниот чекор, јас сум тука да ви помогнам.
За проспани ноќи и посреќни утра” – вашиот Dr.Goodnight