Разликата помеѓу тренинг методите за спиење на бебињата – CIO, Ferber и Gentle Sleep Coaching

Често слушаме за различни методи за спиење кои ветуваат дека ќе го подобрат сонот на вашето дете. Денес ќе ги разгледаме трите најпознати методи: CIO (“Cry It Out”), Ferber и Gentle Sleep Coaching, за да разберете кој метод најмногу одговара на вашето семејство.

1. Методот CIO (“Cry It Out”)

Овој метод е познат и како “да го оставите бебето да плаче”. Идејата е да го ставите бебето во креветчето и да му дозволите само да заспие, без утеха или интервенција, не влегувате во собата се додека детето не заспие.

• Позитивни страни: Може брзо да донесе резултати кај некои бебиња, 2 до 3 вечери.
• Негативни страни: Тешко емоционално искуство за родителите и потенцијално зголемување на стресот кај бебето. Не е препорачливо за повеќето бебиња.

2. Методот Ferber

Методот Ferber, или контролирано плачење, е сличен на CIO, но со одредени временски интервали за интервенција. Родителите влегуваат во собата на одредени интервали за да го потсмират бебето и постепено го зголемуваат временскиот интервал пред да го смират бебето.

• Позитивни страни: Понежен пристап од CIO, бидејќи се нуди утеха на интервали.
• Негативни страни: Сè уште може да предизвика стрес и чувство на вина кај родителите.

3. Gentle Sleep Coaching

Gentle Sleep Coaching е метод кој е базиран на научни истражувања, метод кој е признат од приврзаниците на Attachment Theory и ги става и бебето и семејството во центарот на процесот. Во Dr.Goodnight секогаш работиме со методите со нежен пристап. На тој начин, родителот постојано реагира на негодувањето и плачењето на бебето, нудејќи му вербална и физичка поддршка, а притоа го насочува и му помага во процесот на самостојно успивање, што е од клучна важност за да се зачува довербата и блиската врска помеѓу детето и родителот. Со овој пристап, детето постепено учи самостојно заспивање без негативни последици и без создавање на стравови.

• Како функционира: Родителите постепено ги учат бебињата како самите да заспиваат, цело време се присутни покрај своето дете без да ги остават да плачат подолг период без надзор. Овој метод вклучува поддршка од родителите, како и креирање рутина која одговара на индивидуалните потреби на бебето.
• Позитивни страни: Понежен пристап кој создава доверба и намалува стрес. Ова е идеален избор за родители кои сакаат да го подобрат сонот на нивното дете без драстични методи.
• Негативни страни: Потребно е повеќе време и трпение, околу 2 недели.

Заклучок

Секое семејство е уникатно, а истото важи и за секое бебе. Додека некои родители се чувствуваат удобно со методот Ferber, други можат да најдат поголем успех и емоционален мир со понежен метод.

Доколку не сте сигурни кој метод е најдобар за вас, јас сум тука да ви помогнам. Закажете консултација и заедно ќе најдеме решение кое најмногу одговара на вашето семејство.

❤️ “Споделете го овој пост со вашите пријатели, помогнете да го вратиме сонот во што е можно повеќе фамилии. Имајте слатки и проспани ноќи! Вашиот Dr.Goodnight”